Gudoomiyaha gobolka Banaadir ahna Duqa magaaladda Muqdisho Mudane Xasan Maxamed Xuseen “Muungaab” ayaa maanta Xafiiskiisa degmada Heliwaa ku qaabilay Ergayga gaarka ah ee Qaramada Midoobay u qaabilsan Soomaaliya Danjire Nickolas Kay.
Gudoomiye Muungaab iyo Kay ayaa ka wada hadlay arimo dhowr ah oo ay igu Muhimsaneed qaabka doorashada dowlada Hoose iyo sidii caasimadda Soomaaliya loogu sameyn lahaa Maqaab gooni ah si ay wax ula qeybsato wadanka intiisa kale oo ay hooyo u tahay.
“Waxaan Gudoomiyaha gobolka Banaadir uga Mahadcelinayaan Mudadadii sanadka aheyd oo xilka hayey sida wanaaagsan oo uga shaqeyay arimaha horumarinta, bulshada iyo wacyigelinta bulshada Soomaliyeed aniga waxaan Marqaati ka ahay in Maamulka gobolka Banaadir uu qabtay wax cad oo la taaban karo” ayuu yiri Danjire Kay.
Sidoo kale Kay ayaa sheegay in mudadii sanadka aheyd ee Maamulka gobolka Banaadir uu Muunaagb Hogaaminayey in aysan Wax dhibaato ah soo gaarin hay’addaha Qaramada Midoobay ee ka howlgala magaalada Muqdisho.
“Waan ugu mahadcelinaynaa sida uu mar walba u soo booqdo xarunta maamulka gobolka ee degmada Heliwaa waana arin farxad leh in uu Kay sidaa sameeyo” waxaa sidaasi yiri gudoomiye Muungaab.
Kulanka oo qado iyo aragti is dhaafsi ahaan ayaa ku soo dhamaaday jawi is maxabeyn iyo nabadgeliyo ah iyadoo Danjire Nicholos Kay iyo mas’uuliyiintii kale oo la socotay ay xarumahooda dib ugu laabteen si nabadgeliyo ah.
