Guulaha Ciyaaraha Soomaaliya ayaa ah kuwa isbadal wanaagsan uu ku yimid sanadkaan 2018
Related posts
Xulka qaranka 17-Jirada Soomaaliya oo bilow u ahaa guulaha Ciyaaraha Soomaaliya ayaa tartankii Cecafa ee sanadkaan lagu soo gaba gabeeyay Burundi ayaa ah mid wacdaro ay ka soo dhigeen xulka daโa yarta soomaaliya kadib markii ย Kulamadii Group-ka ay ka kala adkaaden Kooxaha Ethiopia Kenya iyo halka Burundi 0-0 ay la galeen oo dalkooda lagu marti gelinayay,
Wareegi xigay ayeey qaarijiyeen dalka Uganda oo koobka haystay sanadkii ugu danbeyay-na ku guuleystay dabadeedna waxay Ciyareen Kulankii kama danbeysta oo ay la yeeshen xulka Tanzania balse 2 gool oo looga hiiliyay ayeey wiilasha dalkeena tartankii looga qaaday taasi ayaana ah guulo wax ku ool ah oo dhalinyarada ay soo hooyen.
2-dii Bishaan Kooxda Banaadir ayaa ka safartay Muqdisho ayadoo ku sii jeeda dalka Jabouti halkaasi oo ay qayb gashay Tartanka kooxaha Jamacada Carabta isreeb-reebkiisa kulankii ugu horeyay oo ay la Ciyaartay kooxda ka dhisan horyaalka Jabouti ayeey Banaadir waxay ahayd koox dhankasta ka wanaagsan hase yeeshe kaarka Cas oo loo taagay kabtanka labaad ee kooxda Banaadir ayaa sabab u noqday in barbaro 2-2 ah gasho hase yeeshe kulanki labaad oo ay la ciyaartay kooxda ka dhisan Jasiirada Comoros ayeey kooxda Banaadir waxay ku garaacday 3-2 oo ay guusha ku raacday kooxda mataleysay dalkeena Soomaaliya,ย Qaybtii hore oo lagu kala nastay 1-0 ayaa Banaadir Sc waxay ahayd mid dhankasta kaga fiican Kooxda Ngazi hase yeeshe dadaal fara badan kadib ayeey Ciyaartii ku soo idlaatay 3-2 oo ay guusha ku raacday kooxda Banaadir.
Sadex gool ee kooxda Banaadir hal gool waxaa saxiixay Khaliif oo qadka dhexe ugu Ciyaara Banaadir labada kalena waxaa kooxda Banaadir u saxiixay Eenow oo ah xidig aanan laga Celin Karin shabaqa waana goolkii sadexaad uu saxiixo 2 kulan uu Ciyaaray Isreeb-reebka tartanka.
