Hanti dhowraha Qaranka Soomaaliya ayaa shaaca ka qaaday inay ku guuleysteen in hay’adaha dowliga ay akoono ka furtaan bankiga dhexe, isla markaana laga gudbo akoonadii ay ka furan jireen shirkadaha sida gaarka ah loo leeyahay,
Hanti Dhowraha Guud ee Qaranka Soomaaliya Dr. Nuur Faarax Jimcaale oo manta Marti ku ahaa Barnaamijka kulanka Todobaadka ee ka baxa Telefishinka iyo Raadiyaha Qaranka ayaa wuxuu ka hadlay Hantida Qaranka iyo xiliga kala Guurka.
“Waxaan u xaqiijinaynaa shacabka Soomaaliyeed inaysan jirin Hanti Qaranku uu leeyay oo la boobayo xiligaan dalku uu ku jiro kala guurka, waxaan lee nahay xafiis gaar ah oo arrimahaasi si dhow ula socda” Sidaasi waxaa yiri Hanti dhowraha Guud ee Qaranka.
Nuur Faarax ayaa dhanka kale ugu baaqay madaxda dowladda iyo ciidamada Qaranka oo dhan inay la shaqeeyaan Xafiiska Hanti Dhowrka maadaama ay masuuliyad ka wada saran tahay Hantida Qaranka.
