Maamulka Afgooye ayaa Warbaahinta Qaranka u sheegay in ay ku jabiyeen Al-shabaab Weerar ay Xalay ku soo Qaadeen Degmada, ugana Dileen ku dhawaan 10-Maleeshiyo ah.
Guddoomiyaha Degmada Afgooye Cabdinaasir Caalimoow ayaa la hadlay SONNA, wuxuu sheegay Dagaalku uu ka dhacay Sadax jiho oo ka tirsan degamada Afgooye.
Related posts
Mudane Cabdinaasir ayaa xusay in weerarkii ugu horreeyay kooxdaΒ Al-shabaab ay ku soo qaadeen Saldhigga Degmada Afgooye, halka kan xigayna ay qaadeen Taliska Ciidamada Ammaanka ee Buulo Fooliyo, iyadoo weerarka Sadaxaad oo ka dhacay Webiga Jiinkiisa ay isaga horyimaadeen Ciidamo Gurmad ah iyo maleeshiyaadka Al-shabaab oo doonayay in kala jaraan Gurmad Ciidamada Ammaanka.
“Dagaal fool ka fool ah ayaa xalay ka dhacay degmada saacaddu markii ay aheyd 12:50Am saacadda Afrikada Bari, Ciidamada oo xogtooda hayay ayaa iskacaabin kala hortagay, illaa Lix kamid ah maleeshiyadii weerarka soo qaaday ayaan ku dilnay waxaana ku jiray horjoogihii maleeshiyadaasi oo qeyaastii Daβaadda Lixdameeyada ku ah meydkiisuna uu hadda dagmada yaalloβ ayuu yiri Mudane Cabdinaasir.
Guddoomiyaha Degmada Afgooye ayaa intaas ku daray in Ciidamada dowladda dagaalkaasi ay kaga geeriyoodeen Laba askari, sidoo kalana uu dhaawac fudud kasoo gaaray Guddoomiye ku xigeenka Degmada Afgooye Mudane Cabdullaah Xasan Cabdi Toobane.
