Haweeney u dhalatay Kenya oo Habeen hore ay hawlgal ku soo furteen Ciidanka Nabadsugidda Qaranku ee NISA ayaa maanta Maamul- goboleedka Galmudug ku wareejiyay Danjire ku xigeenka Dawladda Kenya u jooga Soomaaliya.
Wasiirka Amniga Maamul-goboleedka Galmudug Cusmaan Ciise Nuur ayaaย sheegay in ka Maamul ahaan ay guul u tahay in hawlgal aan khasaaroย geysan ay ku soo badbaadiyaan Haweeneydaasi oo ay maanta dawladeeda ku wareejiyaan.
Xasan Maxamed Cabdi oo ah Danjire ku xigeenka Dawlada Kenya u joogaย Soomaaliya ayaa ugu mahad celiyay Maamulka Galmudug dadaalka dheeraadka ah ee lagu soo badbaadiyay Haweeneyda.
Haweeneydan oo lagu magacaabo Loise Njoki Weru ayaa 18-bilood ku jirtay gacanta kooxo burcad ah iyadoo sheegtay inay nolosheeda ku weyn tahay maanta oo ay dalkeeda aadayso, waqti xanuun badan kaddib.
