Wasaaradda SHaqada iyo arrimaha bulshada Dowladda Soomaaliya ayaa ku wargelisay dhamaan hay’adah Dowladda Soomaaliya in maalinta beri ay tahay maalintii loo asteeyay nadaafadda,lagana wada qeyb qaato.
War qoraal ah oo ka soo baxay Wasaaradda shaqada iyo arrimaha bulshada ayaa lagu yiri.
Wasaaradda Shaqada iyo Arrimaha Bulshada oo fulinaysa amarka Ra’iisul Wasaaraha Xukuumadda Soomaaliya waxaa ay ku wargelinaysaa dhamaan hay’adaha Dowladda in maalinta beri ah oo taariikhdu ay ku beegantahay 1/3/2018 ay tahay maalintii loo asteeyay nadaafadda.
Sidaasi daraadeed waxaa looga baahanyahay madaxda iyo shaqaalaha hay’adaha kaladuwan ee Dowladda in ay ka qeybqaataan nadaafadda xarumaha iyo agagaarkooda.
Madaxda Dowladda Soomaaliya ayaa horey u asteeyey in maalinta khamiista ah oo ay tahay dhamaadka bilkasta in ay tahay maalin weyn oo nadaafadda.
