Waxaa weli sii kordhay adadaalada loogu gurmanayo dadkii ku waxyeloobay qarixii bahalnimada ahaa oo 14kii bishan ka dhacay isgoyska Soobe ee magaalada Muqdisho,kuwaasi oo kujira isbitaalada magaalada Muqdisho.
Hayโadda Bisha Cas ee Imaaraadka Carabta ayaa deeq isugu jirta Timir iyo Biyo waxaa ay u qeybisay qaar kamid ah dadkii ku dhaawacmay qarixii ka dhacay Isgoyska Soobe iyo sidoo kale dadka wada ololaha nadaafadad goobtii falkaasi uu ka dhacay.
Related posts
Isbitalka Banaadir oo ay kujiraan Qaar kamid ah dhaawacyadii ka dhashey qaraxaasi,iyo bunaao kale oo horey halkaasi u jiifey ayaa si isku mid ah loogu qeybiyay deeqdan,sidi loogu kaabo noloshooda.
Agaasimaha maamulka Isbitalka Banaadir ayaa ka mahadceliyaya deeqdan isagoo codsaday in adeegyada kale ee caafimaad oo ay u baahan yihiin laga xaqab tiro.
Intaasi kadib ayaa waxaa masโuuliyiintii ka socotay Hayโadda Bisha Cas ee Imaaraadka Carabta waxaa ay tageen Goobtii qaraxa uu ka dhacay halkaasi oo ay gaarsiyeen,deeq Timir iyo Biyo isugu jirta taasi oo loogu talagalay in lagu dhiiro geliyay dadka ka qeyb qaadanaya nadaafadda goobtaasi,kuwaasi oo isugu jira ciidamada Xoogga Dalka iyo qeybaha bulshada.
Jawaahir Barqab guddoomiyaha Ururka Haweenka Gobolka Banaadir iyo Saraakiil qeyb ka ah howlahaasi gurmadka ayaa sheegay in talaabadana ay muujinayso sida looga wada damqaday shacabka Soomaaliyeed.
โRun ahaantii aad iyo aad ayaan uga mahadcelinaynaa dhamaan dadkii u sitaagay in ay ka qeyb qaatan howlahan gurmadka ah,waxaan uga mahadnaqaynaa hayโadda Bisha Cas sida gar gaarkani ay ina soo gaarsiisay markastana waxaa ay diyaar u tahay sidii ay uga qeyb qaadan lahayd samatabixinta shacabka Soomaaliyeed,waxaan leenahay waad ku mahadsan tihiin.โ,ayay dheheen masโuuliyiintani.
