Agabkaan oo isugu jira kuraas, miisas,iyo boorsooyin ay kujiraan buugaag,ayaa maanta loo qaybiyay qaar kamid ah iskuulaadka sida lacag la’aanta ah ay wax uga bartaan Carruurta Barakacayaasha iyo kuwa dantayarta kuna yaala degmada hodan ee magaalada muqdisho ayaa loogu talagalay sidii looga saacidi lahaa maamulada iskuulaadkaasi in ay helaan agab waxbarasho oo dhamaystiran.
Iskuulaadkaasi ayaa waxaa kamid ah dugsiga hoose dhex sare ee kulmis iyo dugsiyo kale oo ay hirgelisay hay,adda daryeelka bulshada DBG oo kaashanaysa maamulka degmada hodan ee magaalada muqdisho ayadoo mas’uuliyiinta ay kormeer ku tageen xaruumah iskuulaadkaasi.
Agaasime ku-xigeenka Hay,adda Daryeelka bulshada DBG Bashiir Cali Maxmed ayaa sheegay in agabkaan ay u qeybiyeen inkabadan 300 Arday ah kuwaasi oo isugu jira wiilala iyo gabdho.
Guddoomiyah mamaulka degmnada hodan Cabduqaadir Cali Kulane ayaa ka mahad celiyaay howlahaasi adeegyada lacag la,aanta ah ee loo qabanayo bulshada gaar ahaan ardayda dalka wax ubaranaya.
mas’uuliyiinta maamulka degmada hodan waxa ay kormeer ku tageen iskuul barakacyaal oo kuyaala agagaarka Exkontarol afgooye.
Dhoofo Cabdi Xaashi oo ah maamulaha iskuulkaasi ayaa sheegtay in dugsiga ay waxkabartaan Carruur daryar iyo barakacayaal isugu jira.
