Isbitaalkaan oo laga hirgaliyay degmada Warta nabada ee gobolka Banaadir ayaa waxaa uu yahay mid ka mid ah isbitaalada ugu waaweyn Soomaaliya waana isbitaal qaabilsan xanuunada indha ku dhaca Hay.adda Islamaig Relief ayaa dhistay Isbitaalkaan waxaana dhaqaale xoogan ku bixisay Dowladda Baxrayn Boqortooyada Bahrayn ayaana loogu magacdaray Hospitaalkaas.
Wasiiro ka tirsan Xukuumadda Federaalka ah ee Soomaaliya oo kala ah wasiirka Wasaaradda Caafimaadka. wasiirka Wasaaradda Qorsheynta iyo iskaashiga caalamiga ah .iyo wasiir ku xigeeenka caafimaadka ayaa waxaa ay maanta kormeeer ku tageeen isbitaalkaas iyagoo ku soo wareegay qaybaha uu ka kooban yahay Isbitaalku mas,uuliyiinta hay,adda islamaig Relief ayaana warbixin ka siiyay Wasiirada isbitaalkaan baaxada weyn eee ay ka dhistay hay.adu magaalada Muqdisho.
Madaxa ugu sareeya Hay,adda Islaamig Relief ee Soomaaliya Maxamed Aslam oo ugu horeyn hadlay ayaa waxaa uu faah faahin ka bixiyay dhismaha Isbitaalkaan iyo muhiimada uu u leeyahay Bulshadda Soomaaliyeed waxaana uu furayaasha isbitaalkaas ku wareeejiyay Wasiirka Caafimaadka Soomaaliya.
Gudoomiyaha degmada Warta nabada Yaasiin Nuur Ciise ayaa waxaa uu sheegay in bulshada degmadaas ay u tahay fursad qaali ah in isbitaalkaan weyn laga hirgaliyo degmada isagoo xusay in ay ka faa,iideysan doonaan.
Wasiir ku xigeenka wasaaradda caafimaadka Soomaaliya mudane Cusmaan Maxamed Cabdi daalo ayaa waxaa uu uga mahadnaqay Hay.adda islaamig Relief iyo Boqortooyada Bahrain hirgalinta isbitaalkaan oo qayb ka qaadan doona caafimaadka bulsho badan oo Soomaaliyeed.
Wasiirka Wasaaradda Qorsheynta iyo iskaashiga caalamiga ah mudane Cabdi raxmaan Yuusuf Cali Caynte oo ka mid ahaa mas,uuliyiinta halkaa kormeeerka ku tagay ayaa waxaa uu uga mahad naqay dhamaan dadkii isku howlay hirgalinta isbitaalkaan waxaana uu ugu baaqay bulshadda reer Warta nabada in ay ilaashadaan.
Wasiirka wasaaradda caafimaadka Xukuumadda Soomaaliya marwo Xaawo Xasan Maxamed ayaa gunaanadkii ka hadashay la wareegitaanka Wasaaradda ee Isbitaalkaan waxaana ay sheegtay in wax aad loogu farxo ay tahay in isbitaalka sidaas u baaxad weyn laga hirgaliyo magaalada Muqdisho amaan iyo bogaadin ayayna u soo jeedisay Dowladda Bahrain oo dhaqaalaha lagu dhisay ku bixisay iyo Hay.adda Islaamig Relief oo dhistay.
SAWIR QAADE :AXMED CALI KAAHIYE
