Wasiirka Qorsheynta Qaranka, Wasiirka Arrimaha Dastuurka, Wasiir ku xigeenka Wasaaradda Maaliyadda, Agaasimaha hay’adda Istaatistakada Qaranka, madax ka socotay Wasaaradda shaqada iyo Arrmaha bulshada, xubna ka socday hay’adaha caalamiga oo ay ka mid tahay ILO iyo saraakiil ka socday Hay’adaha kala duwan Dowladda Federaalka ayaa ka qeyb galay Munaasabad lagu daahfurayay warbixinta Sahanka Xoogga shaqaalaha Soomaaliyeed oo la diyaariyay 2019.
Tilmaamayaasha natiijooyinka ugu waa weyn Sahanka Xoogga shaqaalaha Soomaaliyeed waxaa ka mid ah heerka ka qaybgalka Xogta shaqaalaha oo ah 32.4%, tirada shaqaalaha Shaqeeeyo oo ah 25.5%. Heerka shaqo la’aanta oo lagu sheegay inay gaarsiisantahay 21.4% Xoogga shaqaalaha ee aan shaqeyn oo ah 67.6%, Shaqaalaha aan rasmiga ahayn waa 51.4%.
Sahanka Xoogga Shaqaalaha Soomaaliyeed ayaa laga sameeyay 16 ka mid ah Gobollada dalka, waxaana labada Gobol ee dhiman loo gaari waayay sababo la xariiro ammaanka .
Agaasimaha Hay’adda Istaatistakada Qaranka Mudane Sharmaake Maxamed Faarax ayaa sheegay in sahanka Warbaahinta ay muhiimad gaar ah u leedahay bulshada.
Wasiir ku xigeenka Wasaaradda Maaliyadda Prof: Cabdullaahi Sheekh Cali “Qaloocow” ayaa xusay in xogtan ay diirada saarayso sidii loo xoojin lahaa hay’adaha dowladda.
Wasiirka Arrimaha Dastuurka ee Xukumaadda Soomaaliya Saalax Jaamac oo ahaa xiliga la diyaarinayay Sahanka Wasiirka shaqda iyo Arrimaha bulshada ayaa hoosta ka xariiqay in sadeex qeybood oo muhiim ah ay wax ka tarayso isku dheeli tirka shaqada, heerka aan u baahanay shaqaalaha tusaale ahaan Injineeriyadda, wax soo saarka iyo unkidda dugsiyada farsamada gacanta.
Wasiirka Wasaaradda Qorsheynta Qaranka Mudane Jamaal Maxamed Xasan ayaa sheegay in wax weyn ka tarayso sahanka, diyaarinta siyaasadda shaqo abuurka, jiheeenta shaqo abuukra, Jaamacadaha iyo dhamaan dalkeenna oo macno weyn uga fadhiso.
Ugu dambeyn Sahanka Caafimaadka waxaa iska kaashaday, Hay’adda Istaatiskadda Qaranka, Wasaaradda Shaqada iyo Arrimaha bulshada iyo hay’adda shaqaalaha Adduunka ( ILO), taasoo hoga tusaalaynayo heerarka kala duwan ee shaqo Abuurka, shaqa la,aan iyo hanaanka loo abuuri lahaa shaqada.
