Hay’adda Socdaalka iyo Jinsiyadda Soomaaliya (HSJ) ayaa tababar aqoon kororsi ah oo socday muddo labo maalin ah ugu soo xirtay Saraakiil katirsan HSJ magaalada Muqdisho.
Tababarkan oo ku saabsanaa Baarista Guud ee dokumintiyada ayaa waxaa loo qabtay kormeereyaasha HSJ oo ka kala socda goobaha shaqo ee xarunta dhexe iyada oo lagu baray horumarinta xirfadda barista dokumentiyada kala duwan ee dadka loogu adeego.
Agaasime Kuu-xigeenka guud Mudane Xuseen Cabdullaahi Sheekh oo soo xiray tababarka ayaa ku dhiirageliyay saraakiisha ka faa’iidaystay aqoon kororsiga in ay sii labo jibbaaraan dardargelinta adeegga dadwaynaha.
Baarista dokumentiyada waxa ay ka mid tahay howlaha ugu muhimsan ee lagu xaqiijiyo saxnaanshaha dokumentiyada iyada oo la isticmaalayo xirfado iyo qalab casri ah oo kala saaraya kuwo saxda ah iyo kuwa aan saxda ahayn.
