Hay’adda Maareynta Musiibooyinka Qaranka Soomaaliyed ayaa maanta shixnado ka kooban qaybaha kala duwan ee raashinka waxa ay gaarsiisay Isbitaalada kala ah Demartino iyo Madiina oo ah Isbitaalo dan guud ah oo dowladda ay leedahay.
Shixnadaan gargaar ayaa hay’adda SoDMA ugu talagashay in loo qaybiyo bukaanada ku jira isbitaaladan, kuwaas oo kamid ah kuwa ugu waa wayn ee Caasimada ku yaal, adeeg Cafimaadna u fidiya Shacabka Soomaaliyeed
Agaasimayaasha waaxyabaha Gargaarka iyo Cafimaadka ee SoDMA Sahra Cali Yuusuf iyo Dr Cabdullaahi Muuse Axmed ayaa goobjoog ka ahaa wareejinta Gargaarkaan, iyaga oo Mucaawinadan ku wareejiyey Agaasimayaasha Isbitaaladaan.
