Hay’adda Maareynta Musiibooyinka Qaranka Soomaaliyed ee SoDMA, ayaa maanta waxa ay degaanka Janaale ee Gobolka Shabeellada hoose u dirtay Doonyo sida shixnado mucaawino gargaar ah, kuwaas oo ka Ambabaxay Degaan xebeedka jasiira.
Doonyahaan ayaa ku xiran doono Xeebta Magaalada Marka ee caasimada Gobolkaas, waxaana intaas kadib looga daabuli donaa gaadiid si deegaankaas loo gaarsiiyo, waxaana saaran gargaar ka kooban qaybaha kala duwan ee raashinka.
Mucaawinadan, ayaa loogu talagalay in la gaarsiiyo 1,500 oo qoys, waxana Hay’adda Maareynta Musiiboyinka Qaranka gargaarkaan ku wareejisay Guddoomiyaha deegaanka Janaale Mudane Cabdiraxmaan Al-cadaala
Hay’adda SoDMA,ayaa laba labaatay shaqadii ay u haysay bulshada u baahan in la caawiyo,Qaasatan dadka danta yar iyo kuwa baahiyaha gaarka ah qaba,SoDMA ayaa shacabka gaarsiinaysaa wixii ay ugu bixi lahaayeen bisha barakaysan ee Rammaan.
