Hay’adda Maareynta Musiibooyinka Qaranka Soomaaliyeed ee SoDMA, ayaa caawa magaalada Muqdisho ka ambabixisay 11-gaari oo sida shixnado gargaar mucaawino ah, kuwaas oo si gaar ah ugu wajahan deegaanka Ceel Cali Axmed iyo degmada Alkowsar ee gobolka Shabeellada dhexe dhawaana kooxda argagixisada ay ku soo qaaday weerar lagu jabiyay.
Gargarkaan ayaa ka kooban qeybaha raashinka, Dawooyin ,Teendhooyin iyo agabyo kale oo muhiim ah waxaana loogu tala-galay in ay ka faa’iidaysantaan 15,000 oo qoys kuwaas oo ku barakacay dagaaladii maalmo ka hor halkaas ka dhacay.
Guddoomiyaha Hay’adda SoDMA, Mudane Maxamuud Macallin Cabdulle ayaa gadiidkaan ka sagootiyay duleedka magalada Muqdisho, waxana uu sheegay in deegaan walba oo iska xoreeyey cadowga Gargaar Kan lamid ah ay gaarsiin donaan, waxana uu xusay in ay ka go’antahay caawinta dhammaan Ummadda Soomaaliyeed meel walba oo ay jogaan.
