Odayaal dhaqan oo joojinta colaadda uga soo baxay magaalooyinka Cadaado iyo Dhuusamareeb ayaa ku guulaystay inay heshiis horudhac ah dhex dhigaan beelo walaallo ah oo shalay ku dagaalay deegaanka Xananbuure ee woqooyiga gobolka Galgaduud.
Qodobada heshiiska oo ah mid bilow ah ayaa waxaa ka mid ah
1. in xabad joojin shuruud la’aan ah laga sameeyo deegaanada Xananbuure iyo Qalaanqalle
2- In Maleeshiyaadka labada beelood lakala qaado, kuna laabtaan barahii ay ka yimaadeen.
4- In Ciidamadda Xoogga dalka ay sugaan amnigga deegaanadii lagu dagaalamay.
5- In la furo wadooyinka, lana soo celiyo xasiloonidda deegaanka.
6- In la qabto kulan dib u heshiisiineed oo balaaran, kaas oo lagu dhammaystirayo hawlaha harsan.
Ciidamada qaybta 21-aad ee xoogga dalka, Booliska Federaalka ee gobolkaas ka hawlgala iyo ciidanka nabad sugidda ayaa deegaanada lagu dagaalamay gaaray, waxaana ay ku guulaysteen inay colaadda joojiyaan, taas oo waxgaradka u suura galisay inay tallaabo u qaadaan dhinaca dib u heshiisiinta.
