Ciidamada maanta loo soo xeray tababarka ayaa ka kooban 198 bsarkaal oo 21 kamid ah ar dumar yahiin ,islamarkaana si guud looga soo xulay Degmooyinka Hirshabelle .
Tababarka Booliskani ayaa waxaa uu socday muddo seddax bilood ah iyada oo ay si wadajir ah u leylinayeen Ciidamada Saraakiil sare oo ka tirsan Booliiska Soomaaliya iyo Qeybta Booliiska AMISOM .
Waxay goobta munaasabadda ka dhacaysay ku soo bandhigeen waxyaabihii lagu baray tababarka oo ay kamid yihiin sida looga hor tago rabshadaha.
Taliyaha booliiska Hirshabeele, Korneel Xasan Dhicisow Xasan, oo xafldda ka hadlay ayaa sheegay ciidamada ay noqon doonaan kuwo sida guud ugu howlgali doono dhamaan degmooyinka sida; Jowhar, Beledweyne ,Balcad ,Buuloburte ,Jalalaqsi,Mahaday ,Warsheikh iyo Cadalle ee Dowlad Goboledka Hirshabelle, waxuu taliyaha sido kale ballan qaaday inay sii xoojin doonana howlaha dib u habeynta Ciidamda Booliiska.
Wasiirka Amniga Hirshabeele Maxamed C/raxmaan Khayre, ayaa sheegay in farxad gaar ah u tahay wasaaraddu dhameystirka dufcadii 3 aad iska markaana wasaaraddu ku howlan tahay diyaarinta dufcaddii affaraad.
Waxaa tababarka soo xirey, madaxweyne ku xigeenka Hirshabeele, cali Cabdulaahi Xuseen Guudlaawe, ayaa u mahad celiyay dhammaad intii ka qeyb qaadatay suurtagelinta tababarkan, isagoo tilmaamay in ciidanka looga fadhiyo sugida amniga deegaanada Hirshabeele loola baahan yahay in ay ka shaqeeyaan sidii looga adkaan lagaa argagaxisada.
Munaasabadda waxaa ka qeybgalay; madaxweyne ku xigeenka Hishabeele, Cali Guudlaawe, wasiirka amniga Hirshabeele, mudane Maxamed C/raxmaan Khayre, wasiirka dhalinyarada, C/qani C/laahi Jeenyo, Taliyaha qeybta booliiska, Korneel Xasan Dhicisow Xasan, guddoomiyaha gobolka Shabeelaha dhexe, Axmed Mayre Makaraan Christopher Aria oo AMISOM ugu qaabilsan Hirshabeele, wakiila QM ugu xilsaaran Hirshabeele Benjamin Jonah iyo mas’uuliyiin kale.
