Nimco Xasan Abiikar oo ah Hooyo Soomaaliyeed oo xalay dhashay saddex cunug oo mataano ah ayaa ka codsatay dowladda iyo hay’adaha samafalka inay kaalmo deg deg ah la soo gaaraan.
Hooyo Nimco Xasan oo la hadashay Radio Muqdisho, iyada oo degan hooy ku yaalla degmada Wadajir ayaa sheegtay in abaaro 1:30 pm (kowdii iyo bar) habeenimo ay dhashay saddex cunug oo mataanno ah, kuwaasi oo kala ah labo wiil iyo gabar, isla markaana aysan awoodin inay wax siiso carruurteeda, maadaama ay ka soo jeeddo qoys sabool ah.
Nimco Xasan Abiikar ayaa bulshada Soomaaliyeed kuwooda wax heysta ka codsatay in ay ilgaar ah ku eegaan, isla markaana ay soo caawiyaan, maadaama ay heysato xaalado nololeed oo aad u liidata.
“Anigoo roob igu da’ayo ayaan ku umulay xalay guri cowshado ka sameysan oo aan deganahay, ninkeyga kol hore ayuu iga dhuuntay, marka wax kale ma uusan iiga tegin wax la’aan darteed ayaa sabab u ah, waxna ma heysto, sagaal cunug oo kale ayaa ii joogto, dhar dhaqid ayaan ilmaha ka biilan jiray, laakiin hadda ma awoodo oo umul ayaan ku jiraa, waxaana codsanayaa in la i caawiyo”ayay tiri Hooyo Nimco Xasan Abiikar.
Hadaba hooyadaasi dhiban ee xalay Muqdisho ku umushay saddexda mataanada ah cid Allaale iyo ciddii wax u qaban karta, waxa ay kala xiriiri karaan telefoonka hoos ku qoran.
00252617-676478
Halkan ka dhageyso Wareysiga Nimco Xasan Abiikar
