Labadan Horjooge oo ka tirsanaa Maleeshiyaadka Al shabab ayaa Maanta isku soo dhiibey Taliska Ciidanka Xoogga Dalka Qeybta Degmada Diinsor Ee Gobolka Baay Iyo Maamulka Degmadaasi,
Waxana Labadan Horjooge lagu Kala Magacaabaa Maxamed Xasan cusman
25- sano jir ah wuxuu kamid ahaa muda 1 sano, Maleeshiyaadka Al shabab isagoona Dhibaato badan ku hayay Shacabka Ku nool Deeganada hoos yimada Degmadda Diinsoor,
kan kale waxaa lagu magacaaba Xuseen Marshaalle Maxamed
19 sano jir, Wuxu Nabadiidka ku jirey in ka badan Labo sano Waxaana uu ahaa Daraawalka Horjoogihii ugu weynaa Goboladda Baay iyo Bokool.
Labadaan Horjooge ayaa Mid kasta waxaa uu Wataa qori AK47 , iyo Booshkiisa.
Ibrahim Maxamed Nuur (Shig Shigow ) Gudoomiyaha Degmadda Diinsor Ee Gobolka baay ayaa ka hadley Labadaan Maliishiyaad Maanta isa soo dhiibey waxaana uu sheegey in Muddo Badan ay xiriiro kala duwan ay la soo sameyeen Taliska Ciidanka Xoogga Dalka Iyo Kuwa kgs si ay isu soo dhibaan , Alle Mahadiis maanta waa ay usuura gashey.
“Waxaa ay ay ogaadeen in Al shabab maanta Shacabka Soomaaliyeed aysan dhaafeynin Saqiir iyo Kabiir , iyaga oo ahaa dhallinyaro oo markii horabba la qaldey ayaa Maanta ka soo laabteen Qaladkoodi iyaga oo ka Faa’ideysaneya cafiskii uu ufideyay Madaxweynaha Jumhuriyadda Fedaralka Soomaaliya Mudane Maxamed Cabdullaahi Farmaajo, anaga oo Fulineyna Amarka Madaxweynaha Qof kasta oo dooneyaa waddada Qaldan Ee Al Shabab kasoo laabto Gacmo Furan ayaa kusoo dhaweyneynaa ka maamul ahaan” ayuu yiri Gudoomiye Ibarahim Maxamed Nuur.
Mudooyinkii ugu Dambeyay waxaa soo badaneya Dhallinyaro badan oo horay ay u qaldeen Maleshiyaadka Al shabab oo isku soo dhiibaya Qeybo ka mid ah Maamuladda Degmooyinka Koonfur Galbeed Soomaaliya.
