Kadib howlgal qorsheeysan oo ay ciidanka sida gaarka ah u tababaran kumaandooska xoogga dalka Danab ka fuliyeen degmada sablaale ee gobolka shabeelada hoose ayay ku qaarijiyeen horjoogihii maleeshiyaadka Al-shabaab uqaabilsanaa jubooyinka iyo toban maleeshiyaad ah oo lasocday.
Ciidanka kumaandooska ayaa ka war hayay in habeenimadii sabtida uu horjoogaha iyo maleeshiyaad la socday soo gaareen Sablaale ayaaa howlgal qorsheeysan kafuliyay degmadaasi iyagoona ugu galay gurigii ay ka joogeen Sablaale islmarkaasna goobtii ku wada toogtay horjoogaha iyo tobankii maleeshiyaad ahaa ee la socday.
Related posts
Horjoogaha ciidanka sida gaarka ah u tababaran ee kumaandooska xoogga khaarijiyeen ayaa lagu magacaabaa (Mucaad dheere) kaasi oo al-shabaab uqaabilsanaa waxa ay ugu yeeraan welaayaadka jubooyinka ama gobolada jubooyinka sida uu kusoo waramayo Wariyaha Idaacadda Ciidamadda Qalabka Sida Maxamed Cabdulaahi Cabdiraxmaan Shilaawe oo la socday ciidanka howlglka ka fuliyay degmada Sablaale ee gobolka Shabeelada Hoose.
Ciidanka kumaandooska Xoogga Dalka ayaa kordhiyay howlgalada qorsheeysan ee lagu beegsanaayo horjoogayaasha iyo maleeshiyaadka argagixisada al-shabaab.
