Kadib howlgallo amniga lagu xaqiijinayay oo ciidanka xoogga dalka ay ka sameeyeen degaanka Janaale iyo nawaaxigiisa ayay kusoo qabteen horjoogihii argagaxisada Al-shabaab u qaabilsanaa gobolka shabeelaha hoose dhanka sirdoonka iyo labo maleeshiyaad ah oo la socday.
Horjoogahaan Alshabaab uqaabilsanaa sirdoonka shabeellaha hoose ayaa lagu magacaabaa Xasan Suleyt waxaana magaciisa afgarashadu yahay Xasan Ganeey.
Taliyaha Ciidanka Dhulka Xoogg Dalka S/guut Cabdixamiid Maxamed oo ku sugan degaanka Janaale ayaa Idaacadda Ciidamadda Qalabka Sida usheegay in horjoogahaan ay ciidanku kasoo qabteen Janaale, isagoo dhuumaaleeysanaya kadib howlgalo ciidanka ay ka sameeyeen.
Taliyaha ayaa tilmaamay in haatan ay korortay wada shaqeeynta ciidanka iyo dadka degaanka taasi oo suuragalisay in caddowga laga helo xogbadan lana soo qab qabto horjoogayaal iyo maleeshiyaad badan oo dadka dhibaato ku hayay .
