Kooxda Kubada Cagta Horseed ayaa ku guuldareysatay in ay ka adkaato dhigooda jenyo oo galabta ay la ciyareen kulan ka tirsan horyaalka Soomaaliya.
Horseed waxay qasaarisay fursad kaalinta labaad ay kaga geli kartay kooxda Banaadir oo shalay barbaro la gashay kooxda Dekada oo horyaalka hogaamineyso.
Horseed hadii ay adkaan lahayd waxay laba dhibcood u jirsan lahayd kooxda Dekadda hase yeeshe haatan waxay ku sii sugnaan doonta kaalinta sadexdaad waxaana hal dhibic ay ka hooseysa kooxda Banaadir oo kaalinta labaad kaga jirta kala horeynta ayadoo sadex dhibcood ka hooseysa kooxda Dekadda oo kulanka soo socda ay wada ciyaari doonan kooxda Horseed.
Kulankaan ayaa ahaa sidoo kale kulankii ugu horeyay ee uu leyliyay Cabdi Joon kooxda Horseed tan iyo markii uu ku soo biiray kooxda Horseed isagana soo tagay kooxda Elman ayadoo haatan Kooxda Horseed ay u hartay afar kulan oo quraa afarta kulan ee u haray ayaa ah kuwa aad u adag ayadoo kooxda Horseed ay dooneyso in ay ku guuleysato horyaalka Soomaaliya markii ugu horeysay dhowr iyo Sodon Sano kadib mana ahan Natiijada Galabta mid ay ku qanci karaan Saraakisha hogaamisa Kooxda Matasha Ciidanka Xooga.
Horseed iyo Macalinkooda Cabdi Joon ayaa waxaa u haray afar kulan oo waa weyn kulamada u haray ayaa waxaa ka mid ah Kooxda Dekadda oo horyaalka hogaamineyso kooxda Kooxda Heegan oo kaalinta afaraad ku jiro Kooxdisii hore ee Elman iyo Kooxda Waxool oo ugu hooseysa dhamaan tobanka kooxod ee ku tartamaya horyaalka Soomaaliya.
KALA HOREYNTA HORYAALKA HALKAAN HOOSE KAGA BOGO
