Kulankan oo ay ka soo qeyb galeen mas’uuliyiinta hay’adaha Dowladda Maareeyaha Maamulka Garoonka, Maareeyaha Hay’adda Duulista Rayidka Soomaaliyeed, Hay’adda Socdaalka iyo Jinsiyadda, Waaxda Canshuuraha ee Wasaaradda Maaliyadda, Taliyeyaasha Booliiska iyo kan Nabadsugidda Garoonka Aadan Cabdulle, Ururka madaxa banaan ee adeegga diyaaradaha, UNSOS, UNHAS, shirkadda FAVORI Iyo shirkadda Sahal ayaa lagu qabtay Garoonka Aadan Cadde.
Shirkan inta uu socday ayaa waxaa lagu soo bandhigay barnaamijka amniga garoonka kaasi oo qeexaya habka loo maamulayo amniga garoonka. Waajibaadka hay’adda Garoonka iyo sidii ay uga wada shaqeyn lahaayeen howlaha amniga si uu garoonka ula jaanqaado garoomada caalamiga ah ee dhiggiisa.
Barnaamijkani maanta la soo bandhigay ayaa waafaqsan shuruucda Caalamiga ah ee xeerarka duulista Rayidka iyo xeerarka duulista Rayidka Soomaaliya.
Maareeyaha Maamulka Garronka Aadan Cabdulle Mudane Maxamed Saciid Cabdullaahi oo shir Guddoominayay kulankan islamarkaana soo xiray shirka Amniga Garoonka Aadan Cabdulle ayaa sheegay in hadda wixii ka dambeeya ay billaaban doonto sidii looga shaqeyn lahaa fulinta barnaamijka amniga Garoonka, iyadoo ay hormuud ka noqonayaan hay’adaha Amniga sida Booliiska iyo Nabadsugida
