Tuulada Gadoon ayaa ka mid ah deegaanada hoostaga magaalada Dhuusamareeb ee xarunta gobalka Galgaduud, waxaana bulshada deegaanka haatan ay bilaabeen inay horumariyaan deegaanka.
Kulan ay isugu yimaadeen Bulshada deegaanka ayaa waxaa looga hadlay sidii isaga kaakashan lahaayeen horumarinta Deegaanka sida waxbarasha Caafimaadka iyo adeegyada kale ee aas aasiga ah.
Bulshada ayaa soo bandhigtay in dhibaato ay ka jirto halka Iskuul ama goob waxbarasho eek u taala deegaanka oo aanan la hayn darbi ama gidaar, haatana Iskuulku uu yahay mid dayacan.
Axmed Maxamuud Kadiye oo ka mid ah Gudiga School-ka ayaa sheegay in baahi badan uu qabo Iskuulka deegaanka kaas oo shaqeynayey ku dhowaad 10sano lana soo gudbiyo baahida loo qabo in School-ku helo darbi ama gidaar maadaaba uu dayacan yahay.
Nabadoon Cali Salaad Faarax ayaa isna wax uu xusay in jaaliyada ka soo jeeda Deegaanka ee ku sugan Waqooyiga Ameeraka ay ku soo deeqeen lacag gaareysa $20,000 waxuuna xusan inay ka caawin doonto wax badan oo ah dhismaha darbiga School-ka.
Gudoomiyaha Deegaanka C/karin Axmed Yusuf ayaa waxa uu sheegay in waxa dadku ku badbaadi karaan ay tahay waxbarashada sidoo kalana laga tanaasulo qaadista Qoriga iyo waxyaabaha xun xun oo aan Bulshada qeemaha u lahayn loona gudbo waxbarasho iyo horumar.
