Horyaalka 16-aad ee ciyaaraha kubadda gacanta ee dalkeena Soomaaliya ee wiilasha ayaa ka furmay Garoonka wish Istaadiyam ee Dagmada Cabdiciis ee Magaalada Muqdisho.
Furitaanka Cayaartan waxaa ka soo qeyb galay mas’uuliyiin ka tirsan wasaaradda dhalinyarada iyo isboortiga maamulka gudiga Olombikada soomaaliyueed madaxda kubadda gacan ee soomaliyeed iyo taageerayaal tira badan,
Gudoomiyaha kubadda gacanta soomaaliyeed Maxamed Xuurshe Xasan Eenow oo la hadlay warbaahinta ayaa sharaxaad ka bixiyay muhiimadda ee leedahay tartankaani,
Agaasimaha guud wasaaradda dhalinyarada isboortiga ee xukuumadda soomaaliya Dahir Cabdi Cabdulaahi ayaa ku dhawaaqay in uu furanyahay horyaalka 16-aad ee kubadda gacanta ee Soomaaliya .
Labada kooxaha ee lagu furay ciyaarta oo kala ah Horseed iyo Naition ayaa goobta waxa ay kusoo bandhigeen cayaar aad u xiisa badan oo soo jiidatay madaxdii iyo dadweynihii daawanaya cayaarta.
Waaxaana waqtigii loogu talagalay ay kusoo idlaatay 7 iyo 18 oo ay guushu ku raacday kooxda horseed sidaasna looga adkaaday kooxda Nation.
Tartanka kubadda gacanta ee dalkeena soomaaliya oo sanadkiiba mar la qabtaa ayaa kamid ah tartamada ugu xiisaha badan ee laga ciyaaro muqdisho.
