Shaqaalahan ka socday waaxyada kala duwan ee wasaaradda Maaliyadda Xukuumadda Federaalka Soomaaliya ayaa loo soo gabagabeeyay tababar aqoon kororsi ah oo muddo sadex cisho ah ka socda dalka Yugaandha.
Tababarkan oo ay ka qeybgaleen 20-ruux waxaa lagu baranayay diyaarinta miisaaniyadda,iyadoo ay maal galiyeen bankiga horumarta.
Lataliyaha labaad ee Safaaradda Soomaaliya ee Uganda Jibriil Afyare oo munaasabaddii shahaado gudoonsiinta ka hadalay ayaa kula dardaarmay shaqaalaha in cilmiga ay barteen uga faa’ideeyaan dadkooda .
Mid ka mid ah shaqaalaha tababarka dhamaystay oo lagu magacaabo Maxamed Xasan Sheekh Cali oo la hadlay warbaahinta Qaranka xafiiskeeda Kampala ayaa sheegay in tababarkan uu ahaa mid muhiin ah oo la xiriiray qaabka loo diyaariyo documentiyada miisaaniyadda.
