Howlgalkan laga sameeyay xaafado ka tirsan degmada Afgooye ee gobolka Shabeelaha Hoose ayaa waxaa si wadajir ah u fuliyay ciidanka nabad sugida iyo sirdoonka qaranka oo kaashanaya kuwa midowga Afrika ayaa lagu soo qab qabtay ku dhowaad 600 oo ruux sida laga soo xigtay saraakiisha ammaanka.
Guddoomiyaha degmada Afgooye, C/naasir Caalim Macalim, oo la hadlay warbaahinta qaranka ayaa sheegay in tirada dadka ee howlgalka lagu soo qab qabtay ugu dambeytii laga soo saaray 8 kamid ah oo lagu tuhunsan yahay in ay ka tirsan yihiin kooxda Al-shabaab.
Guddoomiyaha ayaa dadka shacabka ah ugu baaqay in ay la shaqeeyeen laamaha amniga si looga hortago kooxaha caadeystay in ay abuuraan dhibaatada amniga xumida.
C/naasir Caalim Macalim guddoomiyaha degmada Afgooye ayaa mahadcelin baraalan u jeediyay ciidanka nabad sugida iyo sirdoonka qaranka maadaama had iyo jeer ay amniga kala shaqeeyaan kuwo koofur galbeed ee ka howlgala degmadaasi.
Afhayeenka wasaaaradda amniga ee dowlad goboleedka koofur galbeed Soomaaliya Maxamed Maxamuud Caseyr, ayaa sheegay in howlgalkan uu ahaa mid bartilmaamaad gaar ah leh oo ku saabsan xog la heley isla markaana lagu guuleystay u jeedkii howlgalka.
