Ciidanka Xoogga dalka iyo Geesiyaasha deegaanka oo caawin ka helaya saaxiibada caalamiga ah ayaa 28 ka tirsan Khawaarijta Al-Shabaab ku dilay tuulada Juxaay oo hoos tagta degmada Aadan Yabaal ee gobolka Shabeelaha dhexe, sida uu warbaahinta Qaranka u xaqiijiyay Taliyaha Ciidanka Lugta Xoogga dalka Gen,Maxamed Tahliil Biixi.
Ciidamada ayaa sameeyay howlgalkaan ka dib markii ay ka war heleen maleeshiyaadka Khawaarijta oo isku abaabulayay tuuladaan waxaana halkaas ku gaaray jab xooggan, iyadoo wali ciidanku sii baacsanayo firxadkooda.
Khawaarijta ayaa aad ugu jabay howlgallada xoogga dalka iyo xooggaga deegaanku ka wadaan dhul ballaaran oo ka tirsan Hirshabeelle waxaana ay ku waayeen maleyshiyaad fara badan iyo horjoogeyaal muhiim u ahaa.
