Ciidamada ilaalada deegaanka oo gacan ka helaya maamulka degmada Waaberi ayaa xalay howlgallo lagu bur burinayo sandaqadaha ku yaalla hareeraha waddooyinka ka fuliyay wadada Maka Al-mukarama.
Xoghayaha degmada Waaberi Maxamuud Cabdi Axmed oo la hadlay Radio Muqdisho ayaa sheegay in howlgallada laga fuliyay saddexda waax ee dhanka wadamada Maka Al-mukarama xigta, kaasi oo uu ku sheegay inay qeyb ka tahay dib u soo celinta bilicda caasimadda.
Xoghayaha ayaa tilmaamay in ay joogteynayaan howlgallada lagu bur burinayo dhismayaasha sharci darada ah, waxaana uu digniin u diray dadka doonaya inay wadada hareeraheeda soo dhigtaan sandaqo sharci darro ah, taasi oo uu ku sheegay inay weecineyso bilicda caasimaddu ay leedahay.
