Ciidanka xoogga dalka oo saacadihii la soo dhaafay howlgallo ka sameeyay Tuulada Ugunji, oo hoostagta degaanka Janaale ee Gobolka Shabeellaha Hoose, ayaa halkaas ku dilay maleeshiyo ka tirsan Al-Shabaab oo ku dhuumaaleysanayay halkaa.
Saraakiil ka tirsan Ciidamada ayaa u sheegay Warbaahinta Qarank, in ay ka warheleen in maleeshiyo Al-Shabaab, ka tirsan ay Tuulada Ugunji ku abaabulayeen weerraro ay kusoo qaadaan degaanka Janaale, sidaasina ay Ciidamada howlgalka ugu qaadeen.
Waxaa kale oo uu sarakiisha sheegay in howlgalkaas ay Al-Shabaab uga dileen 11 dagaalame, sidoo kalena ay ka gubeen Gaari dagaal (Cabdi Bille) oo uu qori ku xirnaa, kaas oo ay uga qeyb qaadan jireen dagaalada iyo weerarada ka dhaca Gobolka Shabeellaha Hoose.
Saraakiisha Ciidamada ayaa ugu dambeyn waxaa ay sheegeen inay sii socon doonaan howlgallada ilaa iyo inta Al-Shabaab laga saarayo degaannada dhuumaaleysanayaan Gobolka Shabeellaha Hoose oo ay dadka ku dhibaateeyaan.
