Wararka, ka imaanaya gobolka Hiiraan gaar ahaan deegaano hoos yimaada degmada Beledweyne ee xarunta gobolkaas, ayaa sheegaya in howlgalo balaaran ay ka sameeyeen ciidanka xoogga dalka deegaanada Luuq-jeeelow iyo Baar oo dhanka galbeed ka xiga Beledweyne.
Wariyaha, warbaahinta qaranka ee gobolka Hiiraan, Ibraahim Muxamed Geeddi, ayaa soo sheegaya in ilaa shan ruux oo lagu tuhunsan yahay in ay Alshabaab yihiin howlgalka lagu soo qabtay, sida saraakiisha xaqiijiyeen.
Related posts
Howlgaladan ayaa ka dambeeyay, markii maleeshiyo Alshabaab ahi ay dhaceen xoolo dad shacabka ah oo deegaanka degan ay leeyihiin sidaasna ciidanka ay ugu baxeen.
Saraakiisha ciidanka xoogga dalka ee gobolka Hiiraan ayaa sheegaya in howlgalka uu wali socdo isla markaana la bacsanayo maleeshiyada nabad diidka ah ee Al-shabaab.
