Munaasabad si heer sare ah loo soo Agaasimay laguna Khatimayay Casharka Tafsiirka Qur’aanka Kariimka ee Radio Kulmiye ka socday Afartii Sano ee la soo dhaafay ayaa maanta waxaa lagu qabtay Xarunta Idaaacada Kulmiye.
Xaflada Khatinka ayaa waxaa ka soo qeyb galay Cullimo si weyn looga yaqaano Soomaaliya oo ay kamid yihiin,Sheekh Maxamuud Aw-cabdulle Cariif,Sheekh Nuur Baaruud Gurxan,Sheekh Abuukar Xasan Maalin iyo Sheekh Salaad Cantoob Xasan.
Sidoo kale Munaasabadda ayaa waxaa Goobjoog ka ahaa Siyaasiga Salaad Cali Jeelle iyo Mas’uuliyiin ka tirsan Golaha Abwaanada Soomaaliyeed.
Ugu horeeyn waxaa Xaflada ka hadlay Agaasimaha Idaacada Kulmiye Abwaan Cismaan C/llaahi Guure oo ka sheekeeyay Marxaladii uu soo maray Casharka Tafsiirka ee maanta loo qabtay Xaflada Khatinka ah.
Sheekh Abuukar Xasan Maalin oo kamid ah Cullimada Soomaaliyeed ayaa ugu mahadceliyay Sheekh Maxamuud Aw-cabdulle Cariif sida Wanaagsan ee Ummadda Soomaaliyeed uu ugu Sharaxo Casharka,waliba asagoo ku Sharaxaya Af-soomaali si ay dadku U Fahmaan.
Gaba gabadii waxaa Dhankiisa ka hadlay Sheekh Maxamuud Aw-Cabdulle Cafiir oo Mudo Afar sano ah Idaacada Kulmiye ka soo jeedin jiray Casharka Tafsiirka Qur’aanka Kariimka,waxaana uu ugu baaqay Ummadda Soomaaliyeed Dal iyo dibad meelkasta oo ay joogaan in ay bartaan Diinta Islaamka.
Idaacada Kulmiye ayaa Sheekh Maxamuud Aw-cabduule Cariif u garatay Shahaaddo Sharaf uu ku muteystay Tafsiirinta Casharka Tafsiirka Qur’aanka Kariimka oo uu mudo 40 Sano ah ka Aqrinayay Idaacada Kulmiye.
Sidoo kale waxaa Goobta Shahaaddo Sharafeed lagu Gudoonsiiyay Sheekh Cantoob Salaad Xasan iyo Wariye Maxamed Axmed Xalane oo kamid ah Wariyaasha KNN.
Sawir Qaade:Marwaan Mayoow (Abuu Xuseyn)
