Taliyayaasha Guud iyo Madaxda Ciiddamada dalalka xubnaha ka ah Isbahaysiga NATO ayaa la sheegay inay bishan January 18-da ilaa 19-da Kulan khaas ah ku yeelan doonaan Xaruntooda Dhexe ee Brussels.
Waa Kulankii u horeeyey ee sanadkan ee ay Golaha Milliteriga ee Isbahaysiga NATO yeeshaan, si ay uga baaraan-degaan Ajendayaal ay ugu muhiimsan yihiin Istaraatijiyada muhiimka u ah NATO, Xaalladaha ka jira dalka Ukraine iyo Taageerada sii socota ee ka dhanka ah Duullaanka Raashiya ku hayaan Ukraine.
Qoraal shalay lagu daabacay Websaytka NATO NATO lagu xusay in uu Kulankaasi guddoomin doono Admiral Rob Bauer oo ah Madaxa Guddiga Milliteriga ee Isbahaysiga NATO, iyadoo ay Taliyayaasha Guud ee 32-ka dal ee ka tirsan Isbahaysigaasi (the NATO Military Committee in Chiefs of Defense Session (MCCS) ka soo qeyb geli doonaan oo lagu casuumay dhigooda dalalka Sweden iyo Finland oo aan weli xubin ka noqoin Isbahaysiga NATO.
Dhanka kale, Xoghayaha Guud ee Isbahaysiga NATO, Jens Stoltenberg ayaa iyagana Warbixin siin doona Guddiga Milliteriga ee Isbahaysiga NATO arrimihii ugu dambeeyey Siyaasadda, caqabadaha dhanka Amaanka ee ku soo wajahan Isbahaysiga NATO.
Waxqabadkii Xukuumadda DanQaran ee afartii sano ee la soo dhaafay
AMNIGA • Xoreynta deegaanno iyo magaalooyin ka badan 120 oo horay uga maqnaa gacanta dowladda. • Xaqiijinta amniga caasimadda Muqdisho....
