Isbitaalka Alnuur iyo Hay’adda AlBasar ayaa maalintii Sadaxaad ka wada isbitaalka weyn ee koofurta Galkacyo howlo isugu jira indha fiiqis iyo daweeynta cudurada ku dhaca indhaha oo lacag la’aan ah
Dr C/risaaq Axmed Dalmar madaxa isbitaalka Alnuur oo warbaahinta la hadlay ayaa sheegay in indha fiiqista iyo daaweynta cudurada ku dhaca indhaha ee ka bilaabatay isbitaalka koofurta Galkacyo ay tahay mid ay iska kaashanayaan fulinteeda isbitaalka Alnuur iyo Hay’adda AlBasar isla markaana ay socon doonaan muddo 7 cisho ah
Dr Dalmar ayaa sidoo kale sheegay in sadaxdii maalmood ay socdeen howlahaan ay ka fiideeysteen ilaa 2500 laba kun iyo shan boqol oo ruux kuwaasi oo isugu jiray indha fiiqis iyo daweeyn
Dadka ka faa’ideeystay daweeynta iyo indha fiiqista lacag la’aantaa oo uu badnaa dad danyar iyo waayeel isugu jira kana kala yimid deegaanada Goballada dhaxe ee dalka iyo deegaano ka tirsan kuwa dhulka ismaamulka soomaalida itoobiya ayaa dhamaantood uga mahad celiyay isbitaalka Alnuur iyo hay”adda AlBasar ee iyagu barnaamijkaan fulinayay iyo Maamulka Galmudug oo qeyb weyn ka qaatay sugida Amaanka isbitaalka iyo ilaalinta muwaadiniinta soomaaliyeed ee ka kala yimid deegaanada ka baxsan kuwa maamulka Galmudug
Mareeye Ku xigeenka Garoonka Diyaarada Magaalada Galkacyo Mudane C/raxmaan Warsame Maxamed oo ka mid ahaa dadkii ka faa’iideeystay Mashruucaan oo la hadlay xafiiska warqabadka warbaahinta Qaranku ay ku
leedahay Gobalka Mudug ayaa sheegay in mashruucaani uu yahay mid wax weyn u taraya bulshada soomaaliyeed maadaama indhuhu ay ka mid yihiin xubnaha ugu qaalisan kuwa bini aadamka la’aantoodna ay adag tahay in
qofku uu wax qabsado isagoona uga mahad celiyay isbitaalka Alnuur iyo Hay’adda AlBasar mashruucaan ay sida tabarucaadkaa ugu qabanayaan ummadda soomaaliyeed isagoo sidoo kalana Maamulka Galmudug ku aamaanay
kaalinta ay ka qaateen in si nabad ah ay usocoto howshaani iyo sidii loo imaan lahaa taasoo uu xusay in haddii Galmudug aysan xil iska saari laheeyn xaqiijinta Amaanka aysan suurta Gal noqan laheeyn in la yimaado
Wasiirka wasaarada Caafimaadka Galmudug Axmed Cumar Maxamuud oo isna la hadlay warbaahinta xilli uu kormeer ku tagay isbitaalka koofurta Galkacyo oo mashruucaani uu ka socday ayaa sheegay in ay gacan ka siin
doonaan muddada uu socdo ka wasaarad ahaan wixii ay awoodaan
