Isimada Puntland ee ay ugu horreeyaan Islaan Ciise Islaan Maxamed iyo Suladaan Siciid Maxamed Garaase ayaa maanta oo taariikhdu tahay 30 July 2018 waxay marti qaad u sameeyeen Madaxweynaha Dowlad Goboleedka Puntland Dr. Cabdiweli Maxamed Cali Gaas iyo Ra’iisul-wasaaraha Xukuumadda Federaalka Soomaaliya Mudane. Xasan Cali Khayre iyo weftigii balaarnaa ee la socday.
Related posts
Isimada Puntland Marti qaadka ay u sameeyeen mas’uuliyiinta ayaa waxaa ka soo qayb galay Madaxweyne ku-xigeenka Puntland Eng. Cabdixakiin Cabdullaahi Xaaji Cumar Camay, Marwada koowaad ee Puntland Marwo Hodan Siciid, Gudoomiyaha Baarlamaanka Puntland iyo Kuxigeenadiisa, goloyaasha Dowlad Goboleedka Puntland, saraakiil ka tirsan Madaxtooyada Puntland iyo marti sharaf kale.
Madaxweynaha Dowlad Goboleedka Puntland Dr. Cabdiweli Maxamed Cali Gaas oo hadal kooban ka jeediyey munaasibadii qado sharafta ahayd ayaa uga mahad celiyay martiqaadka ay sameeyeen Isimada Puntland ee Gobolka Nugaal.
Sidoo kale Ra’iisul-wasaaraha Dowladda Federaalka Soomaaliya Mudane. Xasan Cali Khayre oo isna martiqaadka ka hadlay ayaa sheegay inuu aad ugu faraxsan yahay ugu horeyn soo dhaweentii diiraneed ee shalay ay u sameeyeen shacabka Puntland, isla’markaana uu ka mahad celinaayo isaga oo ku hadlaya afka dhammaan waftiga lasocday martiqaadkan ay u sameeyeen Isimada Puntland ee ay ugu horreeyaan Islaan Ciise Islaan Maxamed iyo Suladaan Siciid Maxamed Garaase.
Madaxweynaha Puntland ayaa Raโiisal Wasaare Khayre si diiran ugu soo dhoweeyey Puntlnad, islaโ marahaantaana tibaaxay in soo dhoweynta iyo marti soorku yahay mid ka mida dhaqamada wanaagsan ee ay leedahay Puntlnad.
Isimada Puntland marti qaadka ay u sameeyeen Madaxweynaha Puntland iyo Raโiisal Wasaare Khayre ayaa imaanaysa xili maalintii labaad uu ku sugan yahay Ra’iisul-Wasaare Khayre caasimada Dowlad Goboleedka Puntland ee Garoowe.
—DHAMMAAD—
