Askari Suuriyaan ah ayaa ku dhintay, shankalana way ku dhaawacmeen duqeymo waaberigii maanta ay Ciidamada Israa’iil la beegsatay goobo ay ku sugnayeen ciidamada Suuriya oo ku taalla agagaarka magaalada Dimishiq ee Caasimadda Suuriya, sida ay sheegtay wakaaladda wararka “SANA” oo soo xiganeysa Sarakiil ka tirsan Militariga Suuriya.
Wakaaladda wararka Suuriya ee SANA, ayaa intaa ku dartay in Ciidamada difaaca Cirka Suuriya ay ka hortageen Gantaallo kale oo ay soo ganeen Ciidamada Israa’iil, qaar ka mid ahna waxay shegeen inay ku guleeysteen inaay soo ridaan.
TV-ga ku hadla Afka Dowladda Suuriya ayaa dhankiisa sheegay in burbur uu soo gaaray mid ka mid ah dhismooyin ay deganayeen dad Shacab ah oo ka ag dhaw goobta duqeeynta ay ka dhacday.
Sedaxdii sanno ee la soo dhaafay Diyaaradaha Israa’iil, ayaa shan mar Duqeeymo ka geeysatay gudaha dalka Suuriya, kuwaasi oo geeystay waxyeello kala duwan.
