Hay’adda Bisha Cas ee Falastiin ayaa sheegtay maanta in Ciidamada Israa’iil ay duqeyma la beegsadeen Xero ay ku jireen dad Barakacayaal ah oo ku taalla magaalada Khan Yonis ee koonfurta Marinka Qaza.
Xaruntan ayaa waxaa ku jiray kumannaan qof oo barakacayaal ah, sida ay sheegtay wakaaladda wararka Carabta.
Warbaahinta Falastiin ayaa sheegtay in 26 falastiiniyiin ah lagu dilay magaalada Khan Yonis tan iyo maqribnimadii shalay.
Tan iyo markii uu billowday dagaalka Israa’iil ku haysa Marinka Qaza, tirada dhimashada dadka reer Falastiin ayaa gaartay 18,787, halka tirada dadka dhaawacmayna ay gaartay 50,897, sida ay sheegtay wakaaladda Wararka ee Carabta.
