Israel oo duqeymo cusub ku dishay 30 ruux oo u badnaa carruur

Ciidamada Israa’iil ayaa duqeeyay laba iskuul oo kale oo ku yaalla magaalada Gaza, iyagoo dilay ugu yaraan 30 Falastiiniyiin ah oo u badan caruur..

Dhakhaatiirta caafimaadka ayaa sheegay in boqolkiiba 80 dadka lagu dilay, laguna dhaawacay dugsiyada Hassan Salama iyo Nassr ay ahaayeen caruur.

Related posts

Maxkamadda Ciidamada oo xukun dil ah ku fulisay laba xubnood oo ka tirsanaa Khawaarijta   

August 20, 2025

Guddoomiyaha SoDMA oo kulan mira dhal ah la qaatay Wakiilada Hay’addaha Qaramada Midoobay

August 19, 2025

Dhinaca kale,Madaxweynaha Iran Masoud Pezeshkian ayaa mar kale ballan qaaday inuu ka aargudan doono dilka Ismaaciil Haniyah, xilli uu la kulmay wasiirka arrimaha dibadda Urdun oo booqasho ku tagay Iran.

Madaxweynaha ayaa xusay in Israa’iil ay khalad weyn ku gashay dilka hoggaamiyaha Xamaas Haniyah.

Sidoo kale,Talyaaniga iyo Turkiga ayaa ku biiray dalal badan oo muwaadiniintooda ugu baaqaya inay ka baxaan Lubnaan marka loo eego Israel iyo Xisbullah oo sii wada inay isweydaarsadaan rasaas.

Ugu yaraan 39583 qof ayaa la dilay, 91398 waxaa lagu dhaawacay dagaalka Israa’iil ee Gaza tan iyo 7 dii Oktobar ee sanadkii tagay.