Diyaaradaha Israa’iil ayaa mar kale weerar duqeymo ah ku qaaday tiro isbitaallo ah oo ku yaalla Marinka Qaza, sida ay sheegtay wakaaladda wararka Falastiin ee Wafa.
Wakaaladdu, waxay sheegtay in diyaaradaha Israa’iil ay bartilmaansadeen Guryo ku dhagan Isbitaalka Indonesia ee waqooyiga Marinka Qaza, sidokale qeyb ka mid ah Isbitaalka Al-Qudus ee xiriirka la leh Bisha Cas, ee dhaca galbeedka magaalada Qaza, ayay waxyeello ka soo gaartay duqeymaha.
Wasaaradda Caafimaadka Falastiiniyiinta ayaa shaacisay in Dhismaha saddexaad ee Isbitaalka Saaxiibtinimada Turkiga iyo Falastiin ay duqeeyeen Diyaaradaha Israa’iil, waxaana weerarkaasi ka dhashay burbur xooggan.
