Boqolaal dadwayne ah oo ka mid ah shacabka Degmada Garbahaareey ee Xarunta Gobalka Gedo ayaa ka qeyb galay banaan bax lagu taageerayay Waxqabadka dowladda Federalka Soomaaliya, isla markana sido kale looga soo horjeedo cid kasto ka so horjeeda nidaamka dowladnimo ee Dalka ka hanaqaaday.
Banaan baxayaasha ayaa socod dheer ku soo maray dhammaan waddooyinka halbowlaha ee Degmada Garbahaarey, iyagoo ugu dambaynti isugu soo biya shubtay Taalada Garbahaarey, kuwaasi oo watay boorar ay ku qornaayeen hal ku dhigyo ka turjumaya taageerada ay u hayaan dowladda.
Qaar ka mid ah dadkii isu soo baxa Nabadeed soo qaban qaabiyay oo la hadlay Warbaahinta ayaa sheegay inay taageersanyihiin horumarka ay ku talaabsatay dowlada Federaalka ah ee Soomaaliya, waxaana ay ku baaqeen in hal meel looga soo wada jeesto cidkasta oo ka horjeedda nidaamka dowliga ah.
Bulshada Garbahaarey waxa ay shegeen in ay tageersan yihiin Dowladda Soomaaliya ayna diidan yihiin cid kasto oo dowladda ka soo horjeedda.
