Wasaaradda Arrimaha Dibadda Itoobiya ayaa muujisay sida aysan ugu qanacsaneyn go’aanka Golaha Wasiirada Jaamacada Carabta ay Talaadadii shalay ka soo saareen Caasimadda Qatar ee Dooxa, kaa oo ay ku caddeeyeen diidmadooda ku aadan isku dayga Itoobiya ay ku dooneeysa Biyo Xireenka Wabiga Niil.
Itoobiya ayaa sidoo kale diiday shuruudihii Jaamacadda Carabta ee la xiriiray buuxinta biyo xireenka Al Nahda, iyadoo ku eedeysay Jaamacada Carabta in anay mudnaan siineynin Amniga biyaha Niil iyo danaha waddamada wadaago Biyaha Wabiga.
Bayaan ka soo baxay Wasaaradda Arrimaha Dibadda Itoobiya ayaa lagu sheegay in Jaamacadda Carabta, ay ku dhiirrigeliso qaar ka mid ah dhicyada wadaago Wabiga Niil, halkii ay ka qaadan lahaayeen mowqif dhexdhaxaad ah.
Horaantii bishan, Wadamada Suudaan iyo Masar ayaa ku heshiiyay inay si wadajir ah uga shaqeeyaan sidii Itoobiya loogu riixin lahaa inay ka wada hadlaan buuxinta biyo xireenka Wabiga Niil, ka dib is mariwaagii ay garwadeenka ka ahayeen Midowga Afrika.
