Ciidamada booliska magaalada Gaalkacyo ee xarunta gobolka Mudug ayaa saaka ku guuleystay Inay gacanta Kusoo dhigaan Jaakad Nooca Qaraxyada loo isticmaalo oo kooxaha dhagar qavayaasha ay rabeen in ay ku wax yeeleeyaan bulshada magaalada.
Taliyaha qeybta booliska gobalka Mudug G/Dhaxe Qaasim Sheekh Doon Cali Oo la Hadlay Warbaahinta Qaranka, ayaa Faah Faahin Ka Bixiyay Howlgal Lagu Soo Qabtay Jaakadaan Nooca Qaraxyada loo Isticmaalo oo lagu qariyay mid ka mid ah xaafadaha magaalada.
Related posts
โWaxaan maalmahaan wadnay howl-gallo lagu sugayo ย Ammaanka magaalada inagoo ka sameeyneyna dhammaan xaafadaha sidaa daraadeed waxaa inoo suura gashay inaan gacanta kusoo dhigno ย Jaakad Nooca Qaraxyada loo Isticmaalo oo la dhigay goob luuq ah oo ku taallo xaafaada Wadajir ee magaalada Gaalkacayoโ ayuu yiri Taliyaha Qeybta Booliska Gobalka Mudug.
Guddoomiyaha gobalka Mudug Cabdiraxmaan Cali Diiriye Isxal, oo Isna La hadlay Warbaahinta Qaranka ayaa bogaadiyay dadaalka ciidanka booliiska ee ku Aadan Sugida Amniga.
โWaxaan bogaadinayaa ciidamada booliska sida ay u sugayaan Amaanka iyagoo kaashanaya shacabka,sidoo kale waxaan bulshada magaalada ka codsaneynaa inay soo sheegaan cidkasto oo ay u arkaan inay falal amni daro ay kawadoxย magaaladaโ ayuu yiri Guddoomiyaha Gobalka Mudug Cabdiraxmaan Cali Diiriye Isxal.
Maalmihii ugu dam-beeyay waxa ay Ciidamada Amaanka ay Magaalada Gaalkacyo ka wadeen howl-gallo xoogan oo lagu sugayo amniga kuwaasi oo ay iska kaashanayaan qeybaha kala duwan ee ciidamada ,Maamulka Magaalada iyo qeybaha bulshada.
