Jaaliyadda Soomaaliyeed ee Dalka Sudaan oo ka qayb gashay Afur wadareed lagu qabtay Khartuum oo ay ka qayb galeen in ka badan 51 Jaaliyadood,
Afur wadareedkan ay soo qaban qaabiyeen Golaha Saaxiibtinimad Shacuubta islamarkaana ay ka qayb galayeen Jaaliyadaha ku nool Suudaan oo ay qeyb ka aheed Jaaliyadda Soomaaliyeed ayaa ka dhacay Caasimadda Khartuum ee Dalka Suudaan.
Afur wadareedkan ayaa waxaa goob joog ka ahaa Lataliyaha Madaxweynaha Suudaan, Wasiiro, Safiiraada Caalamka u fadhiya Suudaan Madaxda Jaaliyadaha ku nool Suudaan, Culamo u diin iyo marti sharaf kale.
Afur wadareedkani oo sanad walba la qabta ayaa waxaa sanadkan ka qeyb qaatay in ka badan 51 Jaaliyadood iyadoone Jaaliyad walba ay goobta ku soo bandhigeysay Cunooyinka u gaarka ah, waxaane Jaaliyadda Soomaaliyeed halkaa ku Soo Bandhigeen Cunooyinka Soomaalida lagu qayaano sida Baastada, Biriiska, Hilibka, Canjeerada iyo Sanbuuska.
Gudoomiyaha Jaaliyadda Soomaaliyeed ee Dalka Suudaan Cabdi Wali Xasan Xuseen “Fadilatahu” ayaa sheegay in Soomaalida ku dhaqan Suudan ay aad ugu qeyb qaateen Afur wadareedkani.
Danka kale Cabdikaafi Ismaaciil Yaasiin oo ka mid ahaa qaban qaajiyaasha Afur wadareedka ay soo bandhigtay Jaaliyadda Soomaaliyeed ayaa asigane sheegay inay goobta ku soo bandhigeen Cunooyinka Soomaalida loogu danbeeyo.
Qaar ka mid ah Ardayda Suudaan waxka barata ayaa iyadana ka warbixiyay dareenkooda ku aadan Munaasabada lagu soo bandhigayay Afur wadareeka.
Bandhiga cunooyinka ee Jaaliyadaha oo laqabto bisha Barakeysan ee Ramadaan ayaa ka duwan kii sanadkii hore iyadoona Jaaliyadda Soomaaliyeed ee Dalka Sudaan aya Sanadkaani Si’aad ah ugu qayb qaadatay Afur wadareedka.
