Jaaliyadda Soomaaliyeed ee Gobolka North West ayaa magaalada Rustenburg ku doortay Guddoomiye cusub kadib markii Guddoomiyahii hore xilka uu ka idlaaday.
Kulamo ay ku qabanayeen Jaaliyadda magaalada Rustenburg oo ku saabsanaa sidii ay u sameyn lahaa hogaan cusub ayaa waxaa shirkii ugu dambeeyay oo guddoomiye lagu dooranayay kasoo qeybgalay Madaxda Safaaradda Soomaaliyeed ee dalka Koonfur Afrika, Odayaal, ganacsato, waxgaradka iyo dad kor u dhaafayay 500 oo ku nool Gobolka.
Related posts
Qaar ka mid ah dadkii ka hadlayay madashan ayaa qiray in Jaaliyadda North West ay yihiin kuwa isku duuban oo ku dayasho mudan.
Qunsulka labaad ee Safaaradda Xuseen Sheekh Cabdisalaan ayaa boogaadiyay Jaaliyadda.
Laba murashax oo u tartamayay xilka guddoomiyenimo ee labada sano ee soo socota ayaa kala ahaa Mustafa Shirwac iyo Maxamed Sheekh Isxaaq ( Madeey) ayaa qudbado ku saabsana waxqabadkooda madasha ka jeediyay.
Tartan saacado qaatay kadib ayaa waxaa xilka gudoomiyaha Jaaliyada Rustenburg ku guuleystay Mustafa Shirwac, waxaana Murashax Madeey uu isne sheegay in uu la shaqeyn doono Guddoomiyaha cusub.
