Deeqdani raashinka ah oo ay soo dhiibeen qaar ka mid ah jaaliyada Soomaaliyeed ee dalka Norway gaar ahaan jaaliyadda Reer Hiiraan oo ay soo marsiiyeen Hay,adda Rahma Islamic Relief ayaa waxaa la gaarsiiyay qoysas ku dhibaateysnaa deegaanno hoos yimaado magaalada beledweyne ee xarunta gobolka Hiiraan.
Deegaannada deeqda la gaarsiiyay ayaa waxaa ka mid ahaa Guryo cadde, Tawakal, Biyo quran, iyo degaanno kale, waxaana dadka dagan ay isugu jiraan dadkii ay saameeyeen abaarihii ka dhacay gobolka Hiiraan iyo dadkii ay magaalada Beledweyne ugu cararay fatahaadii wabiga shabeelle uu ka geystay magaaladaasi.
Cabdiraxmaan Garaad Keynaan oo ahaa wakiilka deeqda loo soo wakiishay ayaa waxaa uu sheegay in deeqdani raashinka ah ay soo dhiibeen dad muxsiniin ah oo gartay in dadka walaalahooda caawiyaan.
Dhamaan dadkii ka faa’ideystay deeqda gar-gaarka ah ayaa ka mahadceliyay, iyagoona sheegay In ay tahay markii ugu horeysay oo deeq noocaan ah la soo gaarsiiyo.
Sawir Qaade:Ibraahim Muxumed Geedi (Wariyaha Beledweyne)
