Jaaliyadda Soomaaliyeed ee Dalka Sudan oo ka qeyb gashay bandhig Dhaqameed ay ka qayb galeen in ka badan 86 dowladood oo loo lagu qabtay Khartuum.
Bandhig dhaqameedkani oo sanadkii mar lagu qabta magaalada Khartuum ee Caasimadda Dalkane Suudaan ayaa waxaa sanadkan ka qeyb qaatay in ka badan 86 dowladood iyadoo sanad walba ay soo qabanqaabiyaan bandhigani golaha Saaxibtinimada Shacuubta, waxaana goobta lagu soo bandhigayay Bandhig dhaqameedka Jaaliyadaha ku nool Sudan goobjoog ka ahaa Madaxda Safaaradda Soomaaliya ee Sudan, Jaaliyaddda iyo waliba qaar ka mid ah ardayda Soomaaliyeed ee wax ka barata Sudan.
Related posts
Iyadoona Jaaliyadda Soomaaliyeed ee ku dhaqan Sudan ku soo bandhigeen goobta waxyaalaha Hiddaha iyo Dhaqanka u ah dadka Soomaaliyeed, Taariikhda wadanka ,Cunnooyanka u gaarka ah Soomaalida iyo walibaย qaar ka mid ah cayaaraha hiddaha iyo dhaqanka Soomaaliyeed.
Gudoomiyaha Jaaliyadda Soomaaliyeed ee Dalka Cabdi Wali Xasan Xuseen oo ah muwaadin inta badan xil iska saara ilaalinta dhaqanka Soomaalida kaalin weyna ka qaatay Bandhig Dhaqameedkani ayaa sheegay inay goobta ku soo bandhigeen wax yaabaha uu caanka ku yahay dhaqankeena suubban.
Danka kale u qeybsanaha Warfaafinta Safaaradda Soomaaliya ee Dalka Sudan Fiidow Maxamuud Fiidow ayaa shacabka Soomaaliyeed ku boorriyay meel walba ay joogan inay dhaqanka Soomaaliyeed soo nooleeyan.
Bandhigani oo sanadkii mar la qabto ayaa waxaa uu bandhigyadii horay ugu duwanaa inay ka soo qeyb galeen inka badan 86 Dowladood, iyadoo ay Dowlad walba goobta ku soo bandhigeysay waxyaabaha dhaqanka u ah.
