Mas’uuliyiin ka tirsan Wasaaradda Waxbarashada Galmudug iyo maamulka dagmada Gaalkacyo ayaa si wadajir ah maanta xariga uga jaray Jaamacadda Africa Graduate faraceeda magaalada Gaalkacyo.
Jaamacadda oo lagu baran doono luuqada ingiriiska oo qeybo kala duwan isugu jira isla markaana ay barayaal ka yihiin macalimiin isugu jira Soomaali iyo Ajaanib kuwaas oo ka soo shaqeeyay jaamacaddo caalami ah ayaa waxaa ugu horeyn ka hadlay furitaankeeda Maxamuud Axmed oo ka mida maamulayaasha jaamacadda iyo qaar ka mida barayaasha jaamacadda waxaana ay sheegeen in muddo yar lagu barayo ardayda ku hadalka iyo qorista luuqada ingiriiska iyagoo ku baxaya manaahij caalamiya sidoo kalana ardaydu ay si fudud ku fahmi doonaan.
Gudoomiye ku xigeenka dagmada Gaalkacyo injineer Maxamed Cabdi Cilmi iyo Gudoonka waxbarashada Gobalka Mudug ee Wasaaradda Waxbarashada Galmudug Axmed Jaamac Aadan ayaa iyaguna sheegay in ay tahay mid loo baahnaa jaamacad ceynkaan oo kale ah isla markaana bulshada ay tahay mid ay sare ugu sii qaadi karaan horumarinta waxbarashadooda iyagoona ka codsaday in sidoo kale lagu soo kordhiyo barashada luuqadaha Carabiga iyo Turkiga.
