Munaasabadan oo uu soo qaban qaabiyay Maamulka saree e Jaamacadda Somaville ayaa waxaa lagu soo bandhigayay heshiis waxbarasho oo ah heerka labaad ee Jaamacadda, “Master degree” oo ay iska kaashanayaan Jaamacadda Somaville iyo Jaamacadda United Internatinal University ee wadanka Bangladesh, taasi oo muhiim u ah ardayda Soomaaliyeed ee doonayo in bartaan heerka labaad ee Waxbarashada inay si fudud uga heli karaan Jaamacadda.
Fursadan Waxbarashada ee heerka labaad oo ay kala saxiixdeen labada Jaamacadood ayaa waxa ay qeyb weyn ka qaadaneysaa fududeynta waxbarashada dibadda loo aadi lahaa, waxaana Jaamacadda Somaville ay sameysay qiima dhimis taasi oo aad ugu yar qiimihii horay loogu aadi jiray dalka dibadiisa
Guddoomiyaha Jaamacadda Somavile Dr Cabdinuur Sheekh Axmed oo ka hadlay muhiimadda ay u leedahay waxbarashada bulshada Soomaaliyeed ayaa u soo jeediyay in ay ka faa’iideystaan fursadan waxbarasho oo ay soo bandhigeen.
“Ujeeddada aan halkan isugu imaanay ayaa waxa ay tahay in aan idiin soo bandhigno fursadan waxbarasho ee heerka Labaad master degree oo ay iska kaashanayaan Jaamacadda Somavile iyo Jaamacadda United International University ee wadanka Bangladesh, waxaana u soo jeedinayaa ardayda Soomaaliyeed inay ka faa’iideystaan fursadan aan u soo bandhignay” ayuu yiri Guddoomiye Cabdinuur.
Maalmihi dambe waxaa dalka ku soo badanayay Jaamacado xiriirka la sameysanaya Jaamacadaha dalka dibadiisa, si ardayda Soomaaliyeed ay uga faa’ideystaan fursado waxbarasho, iyago oo dalkooda Hooyo meel uga bixin.
