Hoggaanka xoreynta gobolka Tigre ayaa dalbaday in si buuxda looga saaro ciidamada Eritrea iyo dagaalyahanada maamulka Amxaarada ka hor inta aysan wadahadal la galin dowladda federaalka oo ku saabsan xabad joojinta.
Kooxda TPLF ayaa ku soo laabatay caasimada gobolka Tigre ee Mekelle, Isniintii hore iyadoo si weyn loogu soo dhaweeyay magaalada kadib markii ay dowlada Itoobiya ku dhawaaqday xabad joojin ka dhaqan gasho gobalkaas.
Related posts
Getachew Reda oo ah afhayeenka TPLF, ayaa tallaabadan ย ku tilmaamay mid mid kaftan ah oo aan suuragal aheen.
Bayaanka ka soo baxay Jabhadda TPLF ayaa lagu sheegay inay aqbali doonaan xabad joojinta hadii la hello dammaanad qaad xooggan oo ah in aan duullaan dambe lagu soo qaadi doonin gobalka.
โXoogaga kusoo duulay ย gobalka ee Amxaarada iyo Eritreya ย waa inay ka baxaan kuna laabtaan halkii ay ku sugnayeen kahor dagaalka,โ ayaa lagu yiri bayaanka.
Shuruudaha ay TPLF ku xireen xabad joojinta ayaa waxaa kaloo ka mid ah in gargaar deg-deg ah la soo gaarsiiyo dadka gobolka isla markaan si amaan ah ay dadkii ka barakacay guryahooda dib ugu soo laabtaan.
Dhanka Dowladda Itoobiya ayaan waxaan ka soo bixin wax war ah oo la xiriira shuruuradaha ay soo bandhigeen Jabhadda ka dagaalanta gobolka Tigre.
