Maamulka Magaalada Dhuusamareeb ayaa ku wareejiyay deeq xoola nool ah Ciidamada Qalabka sida ee Howlgalada kawada Deegaanada hoos taga Magaalada Dhuusamareeb kuwaa oo guulo kasoo hooyay dagaal ay la galeen maleeshiyaadka Al-shabaab, maalinnimadii Shalay.
Deeqdan oo ka koobneyd lix neef oo Geel ah iyo Agab kale ayay Maamulka Dhuusamareeb ku wareejiyeen saraakiisha ku sugan aaga hore ee dagaalka, kuwaa oo tilmaamay in garabsiinta shacabka iyo maamulka u tahay mid kusii dhiirin doonta dhaqaaqa amni ee ay Ciidamada sameeyeen iyo guulaha ay kasoo hooyeen goobahii ay kula dagalameen Argagaxisad.
Related posts
Guddoomiyaha magaalada Dhuusamareeb Macalin Cabdiraxmaan Geeda-qoroow, oo ka hadlay wareejinta taakuladan ayaa tilmaamay in tilaabadani ay bilaaw u tahay kaalmo si joogta ah ay Ciidamada kaga heli doonaan shacabka si loo sii dhaqaajiyo howlgalada lagu xoreynayo deegaanada ay Argagaxisada kaga suganyahiin gobolka Galgaduud .
Gaashaanle Cismaan Cali Xaashi “dhabayaco” Taliyaha Ururka 71-aad, guutada 15-aad ee qaybta 21-aad iyo taliyaha Ciidanka Nabadsugida Dhuusamareeb, Maxamed Shidane Afrax oo taakuladan u guddoomay Ciidamada qalabka sida ayaa ka mahad celiyay sida wanaagsan ee shacabka iyo maamulka Dhuusamareeb ay u garab taaganyahiin Ciidamada kujira furimaha hore ee dagaalka.
Ciidamada xoogga Dalka oo howlgal joogto ah ka wada deegaano ka tirsan Gobolka Galgaduud ayaa guulo waaweyn kasoo hooyay dagaaladii ay dhawaan la galeen Argagixisada.
