Xulka qaranka dalkeena Soomaaliya ee 11,jirada oo ka qeyb galayay tartanka kubada Cagta ee dugiyada hoose ee dalalka jaamacada carabta oo sanadkan uu marti geliyay Dalka ayaa kulankoodii ugu dambeeyay ciyaar bar bar dhac ah la galay xulka qaranka 11 jirada ee ka socday dalka qadar sandkan koobka marti gelinaya ee qadar.
Wasiirka wasaarada waxbarashada iyo tacliinta sare ee xukuumadda Federaalka Soomaaliya oo ka qeyb gashay goob lagu daawanayay ciyaartaas dhex martay labada kooxood ee ka kala socday labada dalalka Soomaaliya iyo Qadar ayaa amaantay dadaalka ay muujiyeen ciyaartoyda mataleysay dalkeena soomaaliya oo sedaxdii kulan oo ay ciyaareen muujiyay ciyaar wanaag iyo xirfad kubadeed oo aad u heer sareysa.
Qaar ka mid ah daawayaashii ka qeyb galay daawashada ciyaartaas ayaa u hambalyeeyay ciyaartoyda ku ciyaareysay magaca soomaaliyeed iyagoo wax lagu farxo ku tilmaamay ciyaar wanaaga ay muujiyeen ciyaartoyda Soomaaliyeed ee tartankaas ka qeyb gashay.
Agaasimaha guud wasaaradda boostada iyo Isgaarsiinta Soomaaliya Axmed Xaaji Cabdi iyo agaasimaha telefishinka qaranka Soomaaliyeed C/naasir Xuseen ayaa si wadajir ah ugu hambalyeeyay ciyaartoyda xulka qaranka dalkeena ee 11jirada ah iyagoo sheegay in loo baahanyahay in si wadajir loo soo dhoweeyo maadaama magaca umada soomaaliyeed ay kor u qaadeen.
Wasiir wasaarada waxbarashada iyo tacliinta sare ee Xukuumadda Federaalka Soomaaliya Qadar Bashiir Cali ayaa dhankeeda hambalyo u dirtay jiilka 11,jirada ee xulka qaranka dalkeena.
Sidoo kale wasiirka waxbarashada io tacliinta sare ee xukuumada federaalka soomaaliya ayaa rajo wanasgan ka muujisay in ciyaartoydan tartankan kan xiga ay guul kasoo hooyaan iyadoo shacabka soomaaliyeed ka codsatay in ay taageeraan.
Ciyaartoydan Soomaaliyeed ee 11,jirada ah ee ka qeyb galay tartanka jiilka 11jirada ah ee dugsiga hoose ee dalalka jaamacada carabta islamarkaana metelaya qaranka dalkeena ayaa kasoo baxay tartan loo qabtay dugsiyada ku yaala degmooyinka gobolka banaadir,
waxaana inta tartanbka uu socday ay galeen laba kulan oo bar bar dhac iyagoo ugu dambeyna kulan bareeja ah la galay ciyaartoy ka socotay dalka qadar oo koobka sanadkan marti gelinaya waxayna ciyaartoyada dalalka soomaaliya iyo qaradba ay sidaas uga hareen tartankan jeem Cup.
